Serikali imewezesha kukamilishwa utiaji saini mkataba wa ununuzi wa tumbaku kati ya kampuni ya Premium Active Tanzania Ltd na Chama Kikuu cha Ushirika wilaya za Songea na Namtumbo (Sonamcu Ltd).

Dodoma.

 Serikali imewezesha kukamilishwa utiaji saini mkataba wa ununuzi wa tumbaku kati ya kampuni ya Premium Active Tanzania Ltd na Chama Kikuu cha Ushirika wilaya za Songea na Namtumbo (Sonamcu Ltd).

Naibu Waziri wa Viwanda, Biashara na Uwekezaji, Stella Manyanya amesema mkataba huo wa miaka saba umeanza katika msimu wa 2018/19 hadi 2025/26.

Ametoa kauli hiyo bungeni leo mjini Dodoma alipojibu swali la mbunge wa Viti Maalumu (CCM), Jacqueline Msongozi aliyetaka kujua Serikali ina mpango gani wa kufufua kiwanda cha Sonamcu kilichopo Songea.

Naibu waziri amesema mwezi huu wa Februari Serikali itapeleka Songea wahandisi wawili kutoka nchi ya Italia watakaoshirikiana na waliopo kuandaa gharama halisi za ukarabati wa mtambo.

Amesema tumbaku yote itakayozalishwa msimu wa 2018/19 itasindikwa katika kiwanda cha Songea. 

Chanzo:Mwananchi

#Changia Damu Okoa Taifa