Mkuu wa Wilaya ya Tanganyika amewataka Viongozi wa Kata zote kushirikiana na bodi za shule kuchukua hatua za haraka kutatua changamoto zilizopo shuleni .

Mkuu wa Wilaya ya Tanganyika Mh. Salehe Mhando akiwa shule ya msingi Igalula wakati wa kutembelea shule za msingi na sekondari ziara iliyo lenga kuhimiza uwajibikaji kwa bodi za shule na viongozi wa kata katika kuchochea ukuaji wa taaluma wilayani humo.

TANGANYIKA

Mkuu wa Wilaya ya Tanganyika mkoani Katavi Mh Salehe Mbwana Mhando amewataka Viongozi wa Kata zote za wilaya hiyo, kwa kushirikiana na bodi za shule kuchukua hatua za haraka kutatua changamoto zilizopo shuleni ili kuinua kiwango cha elimu.

 Mapema leo amefanya ziara kwa shule za Msingi na shule za sekondari ikiwa na nia ya kukagua maendeleo na uimarishaji wa miundo mbinu katika shule hizo.

Mkuu wa wilaya ya Tanganyika Mh Salehe Mbwana Mhando aliye kati kati akisindikizwa na walimu wakati wa ukaguzi wa  miundo mbinu  katika shule ya sekondari Kabungu.

 Miongoni mwa mambo yaliyo jiri katika ziara hiyo ni pamoja na suala la utoro ambapo ameagiza bodi za shule kwa kushirikiana na Wazazi na Walezi kuhakikisha wana komesha vitendo hivyo ambavyo amevitaja kuwa kikwazo cha ukuaji wa elimu katika wilaya hiyo.

Katiki hatua nyingine ameagiza kukamatwa kwa wazazi wote ambao wanachangia kuwepo kwa utoro kwa wanafunzi kutokana na kuwatumikisha mashambani.

Wiki iliyopita wadau wa elimu Mkoani Katavi wamechangia zaidi ya milioni 150 kwaajili ya kuimarisha miundo mbinu ya elimu wilayani Tanganyika.

Chanzo:Rebeca Kija