Wananchi wameiomba serikali kuwaboreshea huduma ya maji ili kuondoa adha wanayoipata katika kijiji cha Ilalangulu.

MPIMBWE

Wananchi wa kijiji cha Ilalangulu kata ya Kibaoni katika Halmashauri ya Wilaya Mpimbwe Mkoani Katavi wameiomba serikali kuwaboreshea huduma ya maji ili kuondoa adha wanayoipata katika kijiji hicho.

Wamesema hayo wakati wakizungumza na Mpanda radio na kusema kuwa maji yaliyopo hayakidhi mahitaji ya kijiji hicho kutokana na ukubwa na wingi wa wakazi kijijini hapo.

Kwa upande wake Mwenyekiti wa kijiji hicho amesema kuwa tatizo la maji katika kijiji chake ni kubwa na tayari halmashauri imeshapata taarifa hiyo na imeanza kuifanyia kazi.

Hata hivyo Kaimu mtendaji wa kijiji hicho Samweli Makobo amesema kuwa serikali iangalie ukubwa wa kijiji na kwa wananchi waliopo pembezoni mwa kijiji ili kukidhi mahitaji ya wanakijiji wote hasa wafugaji.

Maji ni muhimu kwa maisha ya binadamu hivyo serikali inatakiwa kutatua changamoto hiyo hasa kwa maeneo ya vijijini ambayo ndiyo yenye changamoto kubwa ya upatikananji wa maji.

Chanzo:Furaha Kimondo