UMOJA WA WAENDESHA BOODA BODA MPANDA WATOA ONYO

Umoja wa Waendesha Pikipiki maarufu kama Boda boda Katika Manispaa ya Mpanda Mkoa wa Katavi  umewataka  baadhi ya watu ambao wamekuwa wakitumia jina la kazi yao kufanya vitendo vya Uhalifu kuacha tabia hiyo mara moja.

Wamebainisha hayo wakati wakizungumnza na Mpanda Redio wamesema kuna baadhi ya watu wamekuwa na tabia ya kutumia jina la boda boda kufanya vitendo vya uhalifu hususani wizi ukabaji hali ambayo huleta taswila mbaya katika kazi yao

Aidha wametoa ushauri kwa wateja wao kuwa na namba za simu kutoka katika vituo vya boda boda vinavyo tambulika ili kuepusha matatizo kama hayo ya wizi kwa wateja ambayo yamekuwa yakifanywa na watu ambao sio wema

Katika hatua nyingine wamelishukuru Jeshi la Polisi kitengo cha usalama barabarani kuanzisha mfumo wa kuwepo kwa vituo maalumu vya kufanyia kazi zao hali ambayo imerahisisha utendaji wa kazi nakupunguza usumbufu ambao ulikuwa unajitokeza hapo awali.

Chanzo:Paul Mathius