WANANCHI TANGANYIKA WALIA NA ELIMU JUU YA NIDA

TANGANYIKA

Wananchi wa kata ya Kasekese Wilayani Tanganyika  Mkoani Katavi wameiomba serikali kuwapa elimu kuhusu zoezi la uandikishaji wa vitambulisho vya Taifa.

Wameyasema hayo wakati wakizungumza na radio mpanda na kusema kuwa wamejitokeza katika vituo vya kujiandikisha kwa wingi kutokana na kuona mabango ya serikali za mitaa kutaka kujitokeza ili kuweza kupata vitambulisho hivyo japo elimu kuhusu ujazaji wa fomu wa vitambulisho vya uraia haikutolewa.

Naye mwenyekiti wa kata ya Kasekese Bi.Chausiku Pandisha amesema kuwa wananchi wamejitokeza kwa wingi kwa ajili ya kujiandikisha na elimu imetolewa kwa asilimia kubwa na ameiomba serikali kuwaongezea muda wa zoezi hilo ili wananchi wote waweze kujiandikisha.

Wazo la kuanzisha Vitambulisho vya Taifa kwa raia wa Tanzania na wageni waishio nchini Tanzania limezaliwa mwaka 1968 katika kikao cha “Interstate Intelligence Gathering” kilichojumuisha wajumbe Kutoka nchi za Tanzania, Kenya, Uganda na Zambia.

Serikali  imeazimia kuimarisha mahusiano ya kiusalama yanayozingatia Utawala wa Sheria katika nchi hizo nne ni lazima nchi za Uganda na Tanzania zikatoe Vitambulisho vya Taifa kwa raia wao.

Chanzo: Ezelina Yuda