BEI ELEKEZI YA MAFUTA YATAJWA KUWA KAA LA MOTO KWA WASARISHAJI MPANDA

Baadhi ya waendesha vyombo vya moto Katika Halmashauri ya Manispaa ya Mpanda Mkoani Katavi,wamesema licha ya bei ya Petrol na Dizeli kushuka,bado wanaona bei hiyo ni kubwa zaidi ukilinganisha na hali ya maisha kwa sasa.

Katika mahojiano na Mpanda Radio kwa nyakati tofauti miongoni mwa madereva wakiwemo waendesha pikipiki wamesema hawanufaiki vizuri na bei ya mafuta kama inavyotakiwa kwa kuwa wao nauli inabaki kama ilivyo hata kama bei ya mafuta iko juu.

Mamlaka ya Udhibiti wa Huduma za Nishati na Maji EWURA imetangaza kushuka kwa bei ya petroli na dizeli kwa asilimia 2.7 na asilimia 3.8 na ongezeko la asilimia 0.09 kwa mafuta ya taa.

Chanzo : Issack  Gerald