MILIONI 26 ZA WADAU KUJENGA KITUO CHA WATOTO YATIMA MPANDA

Zaidi ya sh mil 26 zimechangwa  na wadau mbalimbali katika harambee ya kuchangia ujenzi wa kituo cha watoto  yatima kilichopo Nsemrwa Halmashauri ya Manispaa ya Mpanda mkoani Katavi.

Katika harambee hiyo iliyofanyika katika ukumbi wa idara ya maji katika manispaa ya Mpanda ambapo mgeni rasmi alikuwa ni waziri mstaafu wa Jamhuri ya muungano wa Tanzania Mizengo Pinda amewataka wananchi na jamii kwa ujumla kuwa na moyo wa kujali watu wenye shida kama yatima na wajane.

Aidha ameiomba jamii kushirikiana na madhehebu ya dini katika kusaidia na kulea watoto yatima na ambao wanaishi katika mazingira magumu kwani ni wajibu wa kila mtu.

Kwa upande wa mkuu wa mkoa wa Katavi Meja Jenerali Raphael Muhuga amewashukuru wananchi na jamii kwa ujumla ambao wametambua umuhimu wa kuwajali na kuwatunza watu wanaohitaji msaada kutoka kwao.