WANANCHI WAITAKA MIRADI YA MWENGE ILENGE MAENDELEO

Wananchi katika Halmashauli ya Manispaa ya Mpanda Mkoani Katavi wamesema,miradi mbalimbali ambayo imezinduliwa katika manispaa ni chachu kwa maendeleo.

Wananchi hao wametoa kauli hiyo kwa nyakati tofauti,wakati wakizungumza na Mpanda Radio kuhusu miradi ambayo imezinduliwa na mwenge wa uhuru katika Halmashauri manispaa ya Mpanda.

Aidha wameshauri wananchi na viongozi wote kushirikiana kwa pamoja kutunza na kuendeleza miradi kwa manufaa ya taifa.

Jumla ya Miradi  10 ya  maendeleo  yenye thamani ya shilingi milioni 800 imezinduliwa jana ambapo miongoni mwa miradi hiyo ni pamoja na Zahanati ya Milala,Kisima cha maji,madarasa ,mabweni  na barabara ya kilomita moja ya kiwango cha lami.

Baada ya mwenge kumaliza mbio zake katika Manispaa ya Mpanda leo umekabidhiwa Wilayani Mlele ambapo kauli mbiu kwa mwaka 2018 ni Elimu ni ufunguo wa maisha wekeza sasa kwa maendeleo ya taifa.

Chanzo:John John