WAZAZI WAMETAKIWA KUWA MSTARI WA MBELEE KATIKA MASWALA YA ELIMU

Wazazi wametakiwa kuacha tabia ya kuwashawishi watoto wao kufanya vibaya katika mitihani kwa lengo la kuwaozesha ili wapate mahari.

Kauli hiyo ameitoa mkuu wa wilaya ya Tanganyika Salehe Mhando ambapo amesema wazazi wamekuwa wakichangia kwa kiasi kikubwa kurudisha Maendeleo ya wanafunzi nyuma hususani wanafunzi katika shule za msingi.

Mhando amesema kila mmoja anawajibu wa kuhakikisha anashiriki katika kuinua elimu ili wanafunzi wafikie ndoto zao hivyo hatua kali zitachukuliwa kwa wazazi ambao watabainika kuwakatisha wanafunzi masomo.

Kwa mujibu wa Takwimu za Wizara ya Elimu na Mafunzo ya Ufundi, wasichana 8000 kila mwaka huacha shule kutokana na ujauzito na  Kati yao 3,000 ni wanafunzi wa shule za msingi.

 CHANZO:Rebecca Kija