Halmashauri ya wilaya ya Mpanda mkoani katavi imetenga eneo la Luhafwe kwa ajili ya uwekezaji na viwanda.

Halmashauri ya wilaya ya Mpanda mkoani katavi imetenga eneo la Luhafwe kwa ajili ya uwekezaji ili kufikia Tanzania ya viwanda.

Yamesemwa hayo na mkurugenzi mtendaji wa Halmashauri ya Mpanda Bwn Rojas Romuli alipokuwa akizungumza na waandishi wa habari ofisini kwake kwa lengo la kutolewa ufafanuo uwekezaji huo na jinsi walivyojipanga kuhakikisha wanafanikiwa katika mipango hiyo.

Mkurugenzi Romuli amesema “kuwa tayari wameshatenga eneo la hekta 2400 ambapo kuna eneo kwa ajili ya ufugaji,kilimo,utalii,suma JKT,huduma za kijamii ,biashara pamoja na makazi ya watu.”

Aidha amesema tayari wameshapima viwanja kwa ajili makazi na vitatolewa kwa shilingi laki moja kwa kaya na kila kaya itapewa hekari mbili za  kulima bure.

 Hata hivyo mkurugenzi aliendelea kusema lengo kuu ni kuhifadhi Ardhi na mazingira na kuyatumia katika namna ambayo ni endelevu kwa matumizi ya vizazi vya sasa na baadae.