Mh. Salehe Mhando imejipanga kuinua mazao ya biashara ili kuweza kuongeza mapato na kuinua uchumi wa wananchi.

Mkuu wa wilaya ya Tanganyika  bwana salehe Mhando

Tanganyika

Wilaya ya Tanganyika Mkoani Katavi imejipanga kuinua mazao ya biashara ili kuweza kuongeza mapato na kuinua uchumi wa wananchi.

Ameyasema hayo mkuu wa wilaya ya Tanganyika Mh. Salehe Mhando wakati akizungumza na mpanda redio na kusema kuwa kwa sasa wamejipanga kuinua mazao mbadala kama karanga ,alizeti na pamba kwa lengo la kuongeza kipato kwa halmashauri na wananchi kwa ujumla.

Aidha amebainisha kwasasa wanajipanga kutoa elimu kwa wananchi ili waweze kulima katika ubora na kuzalisha pamba bora ambazo zitapata soko ndani ya nchi na hata nje ya nchi

hata hivyo amesema wananchi wajitokeze kujiandikisha wale ambao watakuwa tayari kulima pamba ili waweze kupewa pembejeo kama mbegu na madawa.

Mhando amewataka wananchi kuchangamkia fursa hiyo ili waweze kuzalisha pamba na kujiongezea kipato ambacho kitawawezesha kujikwamua kiuchumi.