Meli yenye bendera ya Tanzania imezama pwan ya Oman

Meli ya mizigo iliyokuwa inapeperusha bendera ya Tanzania imezama nje kidogo ya Pwani ya Oman huku  mabaharia wake wote 20 wakiokolewa. Mabaharia hao waliokolewa na wavuvi waliokuwa karibu na meli hiyo.

Wizara ya Usafiri na Mawasiliano ya Oman imesema, meli hiyo iliyokuwa inapeperusha  bendera ya Tanzania ilikuwa imebeba mchanga na vyuma ilizama katika pwani ya Lakabi kusini mwa Oman.

Taarifa ya Wizara hiyo imesema sababu ya meli kuzama ni tatizo la kuvuja.

Polisi ya Oman imeandika katika ukurasa wake wa Twitter kwamba meli hiyo iliyokuwa ikitokea mji wa Sharjah wa Umoja wa Falme za Kiarabu ilikuwa ikielekea nchini Eritrea katika Pembe ya Afrika.

#habari toka mwananchi