Serikali ya Mkoa wa Tabora imemwagiza kuwakamata waliokuwa viongozi wa Chama cha Ushirika cha Mibono.

Mkuu wa Mkoa wa Tabora Aggrey Mwanri

TABORA

Serikali ya Mkoa wa Tabora imemwagiza kuwakamata waliokuwa viongozi wa Chama cha Ushirika cha Mibono na wale Tupendane kwa ubadhirifu wa mamilioni ya fedha za wakulima na  vyama hivyo.

Kauli hiyo imetolewa  wilayani Sikonge na Mkuu wa Mkoa wa Tabora Aggrey Mwanri wakati wa mkutano ambao ni sehemu ya utekelezaji wa magizo ya viongozi wakuu wa kitaifa waliotembelea mkoa huo na kuwaagiza kusikiliza na kutatua kero mbalimbali za wananchi.

Amesema kuwa viongozi wote wanaotuhumiwa kwa ubadhirifu wa   fedha za vyama na wakulima na wale wakulima wa tumbaku waliotorosha tumbaku katika msimu wa 2013/14 watafutwe popote walipo na kukamatwa ili waweze kufikishwa Mahakamani kwa ajili ya kuchukuliwa hatua za kisheria.

Awali Mwenyekiti wa Kamati ya Ufuatiliaji Fedha za wakulima za Msimu wa 2013/14  Valerian Kaozya akitoa kero yao kwa Mkuu huyo wa Mkoa alisema kuwa baadhi ya wakulima wa Mibono AMCOS wapatao 441 wanadai zaidi ya shilingi milioni 966 toka msimu huo.

Alisema kuwa hali hiyo ilisababisha Chama hicho kuwa na deni kwa kushindwa kulipa deni walikopeshwa na benki kupitia ushirika wao.