Wahanga wa bomoa bomoa mtaa wa msasani kata ya mpanda wameelezea wasiwasi wa kutopata viwanja kutokana na zoezi la kupewa viwanja kutoshughulikiwa haraka.

MPANDA

Baadhi ya wahanga wa bomoa bomoa mtaa wa msasani kata ya Mpanda Hotel Manispaa ya Mpanda wameelezea wasiwasi wa kutopata viwanja kwa wakati kutokana na zoezi la kupewa viwanja kutoshughulikiwa haraka.

Wakizungumza na Mpanda Radio wakazi hao pamoja na mambo mengine wamesema kwa kiasi kikubwa suala la kutafuta viwanja ameachiwa mwenyekiti wa mtaa wa Mpanda Hotel.

Kwa upande wake mwenyekiti wa mtaa wa Msasani Bw.Jonard Makoli amesema zoezi la kupata viwanja linaendelea vizuri ikiwemo kupata viwanja vingine nje ya eneo la Kampuni na Airtel.

Wakazi zaidi ya 300 wanatakiwa kuondoka katika eneo linalodaiwa kuwa hifadhi ya reli kabla ya mwezi Januari Mwakani kwa kuhamia katika maeneo watakayoelekezwa na serikali.