Diwani wa Kata ya Buhangaza amefariki dunia jana Jumapili jioni katika Hospitali ya Kagondo wakati akipatiwa matibabu baada ya kuugua kwa muda mrefu.

KAGERA

Diwani wa Kata ya Buhangaza wilayani Muleba Samsoni Makoti (49) amefariki dunia jana Jumapili jioni katika Hospitali ya Kagondo wakati akipatiwa matibabu baada ya kuugua kwa muda mrefu.

Mwenyekiti wa Halmashauri ya Wilaya ya Muleba, Chrizant Kamugisha amesema mwili wa diwani huyo utahifadhiwa Hospitali ya Rufaa ya Mkoa wa Kagera kusubiria taratibu za mazishi

Kamugisha amesema madiwani wote 57 wa halmashauri hiyo watakutana leo Jumatatu kwa ajili ya kuunda kamati ya mazishi na baadaye  kuufuata mwili ili uweze kuagwa na wana Muleba.

Amesema kwa muda mrefu diwani huyo alisumbuliwa na kisukari na baadaye kupooza upande mmoja wa mwili hivyo amepelekwa katika hospitali mbalimbali kuokoa maisha yake lakini haikuwezekana.

Source 24

Editor Safina Joel