Mahakama ya Wilaya ya Mpanda mkoani Katavi, imemhukumu Lazaro Ngomalala kifungo cha maisha kwa kosa la kumbaka mwanafunzi

MPANDA

MAHAKAMA ya Wilaya ya  Mpanda  mkoani Katavi,  imemhukumu Lazaro Ngomalala (50), mkazi wa  Kijiji cha Sibwesa  wilaya ya Tanganyika kifungo cha maisha kwa kosa la kumbaka mwanafunzi wa darasa la pili.

Akisoma hukumu hiyo  Hakimu Mkazi Mfawidhi wa Mahakama ya Wilaya ya Mpanda, Chiganga Ntengwa, alisema mahakama imeridhika na ushahidi wa  mashahidi  sita wa upande wa mashtaka  uliotolewa mahakamani hapo, ukiwamo wa mwanafunzi aliyebakwa.

 Ntengwa  amesema mtu  yeyote  anayefanya kitendo kama alichofanyiwa  mtoto huyo,  anakuwa  amefanya kosa kwa mujibu wa kifungu cha sheria   namba 130 kifungu kidogo cha kwanza na cha pili na  kifungu cha  sheria namba 131,  kifungu kidogo cha  tatu cha  kanuni ya adhabu.

Amefafanua kuwa kutokana na ushahidi uliotolewa , ukiwamo wa  mtoto mwenyewe aliyebakwa na mwenzake  ambaye  alishuhudia   tukio  hilo,  mahakama pasipo  kuacha shaka  yoyote, imemkuta na hatia mshtakiwa huyo.

Source:Mahakama ya Wilaya.