Maiti za watu watano zilizokatwa vichwa zimepatikana katika kijiji kimoja cha Jamhuri ya Kidemokrasia ya Kongo, kaskazini mwa Kivu, eneo ambalo limeathiriwa na vurugu za kikabila. Maiti hizo zimegunduliwa katika ki

Maiti za watu watano zilizokatwa vichwa zimepatikana katika kijiji kimoja cha Jamhuri ya Kidemokrasia ya Kongo, kaskazini mwa Kivu, eneo ambalo limeathiriwa na vurugu za kikabila.

Maiti hizo zimegunduliwa katika kijiji cha Kibirizi, kilomita 200 kaskazini-magharibi mwa mji wa Goma, katika eneo la Rutshuru linalopakana na Uganda.

Mkuu wa kijiji hicho,Arnold Kakule ameliambia shirika la habari la AFP kwamba eneo hilo limekuwa likishuhudia mapigano ya mara kwa mara kati ya Wahutu, wanaohusishwa mara nyingi na kundi la waasi wa Rwanda FDLR na makundi ya Nande na Hunde.

Eneo la Mashariki mwa Jamhuri ya Kidemkorasia ya Kongo limekumbwa na machafuko ya kikabila kwa zaidi ya miaka 20 huku makundi tafauti yakigombania udhibiti wa madini na rasilmali nyinginezo.