Watendaji na viongozi wa Mkoa wa Kaskazini Unguja wametakiwa kufuata falsafa za ‘hapa kazi tu na kutofanya kazi kwa mazoea

 

Kaim Mkuu wa Mkoa Kaskazini Unguja Ayoub Mohammed Mahmoud

Unguja. 

                                                                                   

Watendaji na viongozi wa Mkoa wa Kaskazini Unguja wametakiwa kufuata falsafa za ‘hapa kazi tu na kutofanya kazi kwa mazoea ili kuimarisha upatikanaji wa huduma bora kwa wananchi.

Kauli hiyo imetolewa na Kaim Mkuu wa Mkoa Kaskazini Unguja Ayoub Mohammed Mahmoud wakati akizungumza na  wajumbe wa kamati za ulinzi na usalama, watendaji wa serikali za halmashauri za wilaya na Mkoa huo katika mkutano wa tathmini uliofanyika kwenye ukumbi wa vyuo vya amali Mkokotoni.

Ayoub amesema katika ziara yake ya siku 5 aliyoifanya katika mkoa huo, amegundua kuwepo kwa kasoro na mapungufu ya kiutendaji kwa baadhi ya taasisi hizo na kusababisha wananchi wengi kutokuwa na imani na serikali yao kwa kukosa huduma muhimu za kijamii

Akizungumza kwa niaba ya viongozi wa Wilaya na Mkoa, Mkuu wa Wilaya ya Kaskazini A  Hassan Ali Kombo amesema wakati umefika kwa viongozi kutekeleza majukumu yao kwa wakati hasa katika utekelezaji wa miradi ya maendeleo ili kuondoa malalamiko kwa wananchi.

Pia mkuu wa wilaya huyo ameahidi kuyanyia kazi kwa wakati maagizo na miongozo iliyotolewa na kaimu mkuu wa mkoa ili kupunguza matatizo yanayowakabili wananchi wa Mkoa huo.