BARAZA la madiwani katika halmashauri ya wilaya ya Uvinza mkoa wa Kigoma limemuagiza Mkaguzi mkuu wa hesabu za ndani wa wilaya hiyo kufuatilia upotevu wa pesa

 

BARAZA la madiwani katika halmashauri ya wilaya ya Uvinza mkoa wa Kigoma limemuagiza Mkaguzi mkuu wa hesabu za ndani wa wilaya hiyo kufuatilia upotevu wa pesa ndani ya vituo  9 kati ya vituo 30  ambavyo vilipokea fedha taslimu mil.300 kutoka kwenye mpango wa BRN mwaka 2016 kwa ajili ya ukarabati wa majengo na ununuzi vya huduma za afya wilaya ni humo.

Hatua hiyo imechukuliwa baada ya Upotevu wa fedha kiasi cha mil.1.8katika kituo cha afya cha Igalula kilichopo kata ya Igalula na mil.1.9 katika kituo cha afya Basanza baada ya mkaguzi John Nyakiha kupitia hesabu za matumizi ya fedha hizo na kugundua upetevu huo.

Kwa upande wa madiwani wa halmashauri ya Uvinza wa kiwakilishwa na diwani kata ya Nguruka Abdahla Masanga ameeleza wasiwasi wao ni uwezo mdogo wakamati katika matumizi ya fedha na idadi ndogo ya watumishi katika vituo vya afya na hivyo kusababisha upotevu wa pesa hizo.

Nae Mwenyekiti wa halmashauri ya wilaya Uvinza Jackson Mateso ametaka elimu itolewe kwa wanchi kuhusu fedha hizo kwani ziko chini ya mikono yao huku serikali ikiendelea kufanya uchunguzi juu ya upotevu wa fedha hizo .

Source:Isack Isack