Sherehe za maadhimisho ya miaka 54 ya uhuru wa Kenya leo.

Leo nchi ya Kenya inaadhimisha siku kuu ya Jamhuri, siku ambayo nchi hiyo ilijipatia uhuru kutoka kwa Wakoloni Waingereza, miaka 54 iliyopita.

Sherehe za maadhimisho ya miaka 54 ya uhuru wa Kenya zitafanyika katika uwanja wa Kimataifa wa Michezo wa Moi Kasarani.

Wananchi wa Kenya wameanza kuwasili katika uwanja huo ulioko katika maeneo ya barabara kuu ya Thika, kilomita 10 kutoka katikati mwa mji mkuu Nairobi.

Kwa mujibu wa vyombo vya habari vya Kenya usalama umeimarishwa na polisi wengi wametumwa katika maeneo mbalimbali ya miji.

Maadhimisho hayo yataongozwa na Rais Uhuru Kenyatta.

SOURCE RFI