Nchi 54 za Afrika zimemtaka Rais wa Marekani Donald Trump kuziomba radhi baada ya kuripotiwa kutumia maneno machafu alipokuwa akizungumzia kuhusu wahamiaji kutoka mataifa ya Afrika

Rais wa Marekani Donald Trump 

WASHINGTON DC

Nchi 54 za Afrika zimemtaka Rais wa Marekani Donald Trump kuziomba radhi baada ya kuripotiwa kutumia maneno machafu alipokuwa akizungumzia kuhusu wahamiaji kutoka mataifa ya Afrika,Haiti na El Salvador wakati alipokutana na wabunge kwenye Ikulu.

Baada ya kikao cha dharura cha mabalozi wa nchi za Afrika ambacho kimefanyika nchini Marekani,mabalozi hao wamesema wanatiwa wasiwasi na mtindo unaozidi kujitokeza kwenye utawala wa Marekani na wamelaani vikali matamshi ya kibaguzi ya kudumisha chuki dhidi ya wageni.

Chanzo cha mvutano huo ni baada ya Trump kuuliza kuwa kwa nini Marekani iwapokee wahamiaji kutoka nchi za uozo kama za Afrika,Haiti na El Salvador.

Hata hivyo Rais Donald Trump amekanusha kutumia maneno machafu juu ya nchi kadhaa ikiwa pamoja na nchi za Afrika.

Chanzo: CRI