RAIS wa Zanzibar Dkt.Ali Mohamed Shein ametangaza kuwa kuanzia mwezi Julai mwaka huu,michango yote iliyokuwa ikitolewa na wazazi katika elimu ya sekondari visiwani Zanzibar itafutwa.

RAIS wa Zanzibar Dkt. Ali Mohamed Shein

ZANZIBAR

RAIS wa Zanzibar Dkt.Ali Mohamed Shein ametangaza kuwa kuanzia mwezi Julai mwaka huu, michango yote iliyokuwa ikitolewa na wazazi katika elimu ya sekondari visiwani Zanzibar itafutwa.

Rais Shein ametanagaza hatua hiyo jana katika maadhimisho ya miaka 54 ya Mapinduzi ya Zanzibar yanayoadhimishwa Januari 12 ya kila mwaka.

Amesema hatua hiyo inachukuliwa kutokana na kuimarika kwa uchumi na ukusanyaji wa mapato ambapo Serikali ya Mapinduzi ya Zanzibar inakusudia kuimarisha huduma za afya na elimu.

Dk.Shein amesema uamuzi huo unakwenda sambamba na kutekeleza dhamira ya Rais wa Kwanza wa Zanzibar,Abeid Amani Karume aliyetangaza elimu bure kwa wananchi wote.

Rais Shein akielezea hali ya ukusanyaji wa mapato,amesema Zanzibar imepiga hatua kubwa kupitia taasisi zake za kodi Zanzibar (ZRB) na Tanzania (TRA) ambapo jumla ya Sh bilioni 548.57 zilikusanywa katika mwaka 2017 ukilinganishwa na Sh bilioni 487.474 zilizokusanywa katika mwaka 2016.

Chanzo:Habari leo