Sakata la kuzushiwa kifo Mwenyekiti wa TLP,Augustine Mrema limechukua sura mpya baada ya kiongozi huyo kutaka waliosambaza taarifa hizo wamlipe fidia ya Shilingi bilioni ishirini kutokana na usumbufu alioupata.

Mwenyekiti wa TLP Mh. Augustine Mrema 

DAR ES SALAAM

Sakata la kuzushiwa kifo Mwenyekiti wa TLP,Augustine Mrema limechukua sura mpya baada ya kiongozi huyo kutaka waliosambaza taarifa hizo wamlipe fidia ya Shilingi  bilioni ishirini kutokana na usumbufu alioupata.

Mrema ambaye pia ni Mwenyekiti wa Bodi ya Parole amesema hayo jana mara baada ya kufika Kituo cha Polisi Osterbay kutoa taarifa za uzushi huo aliodai umemsababishia usumbufu yeye, ndugu zake na watoto wake.

Januari 9,katika mitandao mbalimbali ya kijamii zilisambaa taarifa za kufariki dunia kwa mwanasiasa huyo mkongwe nchini katika Hospitali ya KCMC- Moshi mkoani Kilimanjaro.

Amesema lengo la kusambaza ujumbe huo ilikuwa ni mikakati ya wanasiasa kuharibu utendaji wake wa kazi ikiwamo kuvuruga mkutano wa hadhara aliokuwa amepanga kuufanya siku hiyo.

Kwa upande wa Kamanda wa Polisi Mkoa wa Kinondoni, Jumanne Murilo amesema suala hilo la Mrema linalishughulikiwa kwa taratibu za jeshi hilo na watakaobainika watachukuliwa hatua.

Chanzo: Mwananchi