Wananchi wa kijiji cha Kapanga kata ya Katuma wilaya ya Tanganyika wametakiwa kuzingatia mpangilio na uboreshaji wa makazi holela ili kuwasaidia wanafunzi ambao wamekuwa wakitembea umbali mrefu.

TANGANYIKA

Wananchi wa kijiji cha Kapanga kata ya Katuma wilaya ya Tanganyika wametakiwa kuzingatia mpangilio na uboreshaji wa makazi holela ili kuwasaidia wanafunzi ambao wamekuwa wakitembea umbali mrefu.

Hayo yamesemwa na Afisa mipango miji na vijiji Elisha Mengele wakati akizungumza katika mkutano  na wananchi wa kijiji hicho na kusema kuwa makazi holela yamekuwa ni kikwazo katika sekta ya elimu kwani wanafunzi wamekuwa wakitoka umbali mrefu hali inayopelekea kushuka kwa kiwango cha ufaulu.

Naye mkuu wa Wilaya ya Tanganyika Saleh Mbwana Muhando ametoa rai kwa wananchi ambao wanaishi mbali na huduma za kijamii kuhamia katika maeneo ambayo serikali imetoa kwani hatua za kisheria zitachukuliwa kwa wale ambao wanaishi katika makazi holela.

Kutokana na uwepo wa makazi holela wanafunzi wanaosoma katika shule ya Msingi Kapanga wanalazimika kutembea umbali wa kilomita 30 kila siku.

Chanzo:Restuta Nyondo