BAADHI YA WANANCHI KATIKA HALMASHAURI YA MANISPAA YA MPANDA WAMELISHAURI JESHI LA POLISI MKOANI KATAVI,KUONGEZA KASI YA KUWA KARIBU NA WANANCHI ILI KUDHIBITI UHARIFU MBALIMBALI UNAOENDELEA KUTOKEA.

MPANDA

Baadhi ya wananchi katika halmashauri ya Manispaa ya Mpanda wamelishauri jeshi la Polisi Mkoani Katavi,kuongeza kasi ya kuwa karibu na wananchi ili kudhibiti uharifu mbalimbali unaoendelea kutokea mkoani hapa.

Ushauri huo umetolewa na wananchi hao kwa nyakati tofauti,wakati wakizungumza na Mpanda Radio kuhusu mwenendo wa hali ya usalama ilivyo kwa sasa katika maeneo mbalimbali ya Mkoa.

Kwa upande wake diwani wa kata ya Nsemulwa Mh.Bakari Mohamed Kapona amesema,matukio ya mauaji yanayotokea yanatakiwa kuwa funzo kwa jeshi la polisi na watanzania kushikamana pamoja ili kupambana na uharifu unaotokea.

Jeshi la Polisi Mkoani Katavi limekuwa likitoa wito kwa wananchi kuripoti mapema matukio au viashiria vya uharifu ili vidhibitiwe kabla ya kusababisha madhara.

Katika kipindi cha miezi miwili iliyopita,watu watatu wamepoteza maisha na wengine zaidi ya watano kujeruhiwa katika matukio mbalimbali kutokana waharifu kuvamia wananchi Mkoani Katavi.

Chanzo:Issack Gerald