HALMASHAURI YA WILAYA YA MPANDA MKOANI KATAVI IMEPOKEA ZAIDI YA SHILINGI MILIONI 222 KUTOKA SHIRIKA LA EQUIP TANZANIA.

TANGANYIKA

Halmashauri ya Wilaya ya Mpanda Mkoani Katavi,imepokea zaidi ya shilingi Milioni 222 kutoka shirika la kiraia la Equip Tanzania,kwa ajili ya kujenga na kuboresha miundombinu ya shule zilizopo wilayani Tanganyika.

Afisa elimu taaluma wa halmashauri hiyo Mwalimu Florence Ngua ambaye pia mratibu wa mpango wa Equip Tanzania, amesema kiasi hicho cha fedha kitatumika katika shule na vituo shikizi mbalimbali vya kielimu ikiwa ikiwemo eneo la uwekeza la Luhafwe ambao wametengewa zaidi ya shilingi milioni sitini.

Aidha mwalimu Ngua amesema,vituo vinne vya kielimu kati ya 28 vinavyotakiwa kujengewa na kuboreshewa miundombinu ya majengo ya shule,vinatarajiwa kutumia fedha zilizotolewa na Equip Tanzania kwa mwaka wa fedha 2017/2018.

Kwa upande wake Afisa habari wa Halmashauri ya wilaya ya Mpanda Bw.Sylivanus Ntiyakenye ametoa wito kwa wakazi wilayani Tanganyika kujenga makazi yao katika maeneo yaliyopimwa ili kushirikiana na serikali kuleta maendeleo.

Chanzo: Issack Gerald