SHULE YA MSINGI KAYENZE IMEPATIWA ZAIDI YA SHILINGI MILLION 66 KUTOKA SHILIKA LA P4R KWA AJILI YA UJENZI.

Picha ya matukio ya ujenzi wa shule ya Msingi Kayenze

TANGANYIKA.

Shule ya msingi Kayenze katika kijiji cha Kamilala kata ya Katuma wilaya ya Tanganyika mkoa wa Katavi imepatiwa zaidi ya shilingi million 66  kutoka shilika la P4R kwa ajili ya ujenzi wa Vyumba vinne vya madarasa ,ofisi ya walimu na matundu sita ya choo.

Hayo yamebainishwa na Mkuu wa wilaya ya Tanganyika Salehe Mhando wakati akizungumza na wadau mbalimbali wa maendeleo ya Elimu amesema halmashuri kwa kushilikiana na baraza la madiwani kwa pamoja wamekubalina fedha hizo zielekezwe katika shule hiyo kutokana na upungufu wa miundombinu ya madarasa uliopo shuleni hapo.

Naye mwalimu mkuu wa shule hiyo Donatus Sixmund Komba amesema shule hiyo ina jumla ya wanafunzi 1120 na vyumba vitano vya madarasa hali ambayo huwalazimu kufanya mapokezano ya madarasa kwa wanafunzi hao katika kuwapatia elimu wanafunzi hao.

Mkuu wa wilaya ya Tanganyika Salehe Mhando akishilikiana katika shughuli za ujenzi wa shule ya Msingi kayenze.

Kwa upande wake mwenyekiti wa kamati ya shule hiyo Vicent Kadogosa amesema wananchi wamekuwa na mwitikio mkubwa katika kuunga mkono serikali kwa kujitolea nguvu kazi katika kuhakisha miundombinu ya elimu inakuwa rafiki katika shule hiyo.

Katika ziara hiyo wanachi wamejitolea vifaa mbalimbali vya ujenzi pamoja na pesa tasilimu shilingi laki sita huku mkuu wa wilaya hiyo akichangia tofali elfu mbili katika kuunga mkono ujenzi wa madarasa ya shule hiyo.

Chanzo:Mpanda Radio