JAJI MKUU WA TANZANIA AKATAZA TOZO YA MALIPO KWA HATI ZA HUKUMU KWA WANANCHI

KATAVI

                  Jaji mkuu wa Tanzania Profesa Ibrahim Khamisi Juma

Mahakama ya hakimu mkazi  Mkoa wa Katavi imepokea waraka kutoka kwa jaji mkuu wa Tanzania Profesa Ibrahim Khamisi Juma unaokataza Tozo ya malipo kwa hati za  hukumu ambazo ilikuwa inatozwa kwa wananchi .

Hayo yamebainishwa na Afisa mawasiliano na Tehama wa mahakama hiyo Jemes Vedasi Kapele wakati akizungmza na mpanda redio   amesema waraka huo unaelekeza usitishwaji wa tozo za hati za hukumu.

Aidha kapele amesema kufutwa kwa tozo hizo kutasaidia wanachi wenye uchumi mdogo ambao walikuwa wanashidwa kulipia hati za hukumu kutokana na ukosefu wa fedha hali iliyokua inapelekea  kushindwa  Kupata haki zao.

Hivi karibuni akiwa ziarani mkoani Kigoma jaji mkuu prof.Ibrahim Khamis Juma alitoa tamko la kusitisha malipo ya hati za hukumu.

Source:paul mathias