Kijiji cha mchangani kata ya Ikola inakabiliwa na tatizo la ukosefu wa zahanati hali inayopeleka kuhatarisha maisha ya wananchi.

TANGANYIKA

Kijiji cha mchangani kata ya Ikola wilaya ya Tanganyika inakabiliwa na tatizo la ukosefu wa zahanati hali inayopeleka kuhatarisha maisha ya wananchi kwani wamekuwa wakitegemea zahanati ya ikola.

Hayo yamesemwa na diwani wa kata ya Ikola Philenon Mollo katika mkutano wa hadhara uliofanyika katika kijiji hicho na kusema kuwa licha ya kijiji hicho kuwa karibu na zahanati ya ikola bado zahanati hiyo imekuwa ikizidiwa kutokana na ongezeko la watu.

Aidha ametoa wito kwa wananchi kujitoa katika maendeleo hususani katika kuchangia asilimia 20 ili waweze kuwa na  benki ya tofali katika kijiji hicho.

Kwa upande wake mbunge wa mpanda vijijini Suleiman Kakoso amesema kuwa serikali imetenga kiasi cha shilingi milioni 70 kwa ajili ya kuboresha wodi ya wanawake katika kituo cha afya  cha tarafa ya karema ili kuwasaidia wananchi waliyopo katika tarafa hiyo.

Zahanati ya Ikola iliyopo katika kata ya ikola wilaya Tanganyika Mkoani Katavi  ni zahanati tegemezi kwa vijiji vyote jirani ikiwemo  kijiji cha mchangani,ikola na kafisha.

Chanzo:Restuta Nyondo