KUELEKEA SIKU YA ELIMU YA MLIPA KODI TANZANIA WANANCHI WA MKOANI KATAVI WAMETAKIWA KUJITOKEZA KWA WINGI ILI KUPATA ELIMU JUU YA ULIPAJI KODI.

MPANDA

Katika kuelekea  siku ya elimu ya mlipa kodi Tanzania wananchi wa Mkoani  katavi wametakiwa kujitokeza kwa wingi ili kupata elimu juu ya ulipaji kodi.

Hayo yamesemwa na meneja wa TRA  mkoa wa katavi Enos Magimba wakati akizungumza kwa njia ya simu na mpanda radio na kusema kuwa ni muhimu kwa watanzania kupata elimu ya ulipaji kodi hususan wafanya biashara.

Magimba amesema kuwa utoaji wa elimuya mlipa kodi   mkoani katavi unafanyika kuanzia Nyanja zote za kimkoa mpaka vijijini na kuwataka wananchi kutosubiri wakati wa  maadhimisho pekee.

Siku ya mlipa kodi mkoani Tanzania ili zinduliwa na Mkurugenzi wa Huduma na Elimu kwa Mlipakodi Richard Kayombo kutoka Mamlaka ya Mapato Tanzania (TRA),ambapo  hufanyika kuanzia tarehe 5 mpaka 8 march kila mwaka ikiwa na lengo la kuelimisha, kusikiliza malalamiko, changamoto pamoja na kupokea mrejesho na maoni mbalimbali kutoka kwa walipakodi.

Chanzo:Ezelina Yuda