VIJANA WANNE WANAO SADIKIWA KUWA NI VIBAKA WAMEVUNJA NA KUIBA MCHELE KILO 240 KATIKA ENEO LA VIWANDA VYA KUKOBOA MCHELE LA MPANDA HOTEL.

Picha ya eneo la kiwanda tukio  la wizi lilipotokea

MPANDA.

Vijana wanne wanao sadikiwa kuwa ni vibaka wamevunja na kuiba mchele kilo 240 wenye thamani ya shilingi laki tatu katika eneo la viwanda vya kukoboa mchele la mpanda hotel katika halimashauri ya manispaa ya Mpanda mkoa wa katavi.

Akizungumza na mpanda redio Meneja wa kiwanda hicho Emmanuel Samadali amesema wizi huo umetokea usiku wa kuamkia leo katika eneo hilo na baada hatua hiyo walianza kufuatilia tukio hilo kwa baadhi ya vijana ambao walionekana kuranda randa pasipo kuwa na shughuli ya kufanya katika eneo hilo.

Bwana samadali amesema baada ya kufanya upekuzi kwa vijana hao wamekuta kiasi hicho cha mchele vikiwa vimefungwa katika viroba vya mifuko na hatua za kuwapeleka kituo cha polisi zinaendelea kwa ajili ya mahojiano zaidi kuhusu wizi huo.

Picha ya eneo la kiwanda cha kukoboa Mpunga

Kwa upande wake mlinzi wa kiwanda hicho Cypirian Antony amesema vibaka hao wamepitia upenyo wa kiwanda hicho upande wa nyuma na kufanya wizi huo pasipo yeye kufahamu.

Chanzo:Paul Mathias