WAKULIMA WA MAZAO YA PAMBA NA KOROSHO KATIKA KIJIJI CHA NKUNGWI KATA YA SIBWESA WAMEIOMBA SERIKALI KUENDELEA KUTOA ELIMU JUU YA MATUMIZI YA PEMBEJEO.

TANGANYIKA

Wakulima wa mazao ya pamba na korosho katika kijiji cha Nkungwi kata ya Sibwesa wilaya ya Tanganyika Mkoani Katavi  wameiomba serikali kuendelea kutoa elimu juu ya matumizi ya pembejeo hususani dawa za kuulia wadudu.

Hayo yamesemwa na baaadhi ya wakulima katika ziara ya Mkuu wa Mkoa Meja Jenerali Mstaafu Raphaeli Muhuga ya  ukaguzi  wa mazao mapya mkoani hapa na kusema kuwa mazao yamekuwa yakiharibiwa na wadudu hususani zao la pamba.

Kwa upande wake Mkuu wa mkoa amesema kuwa maafisa ugani wanapaswa kushirikiana katika kutatua tatizo hilo kwani baadhi ya maeneo hayana tatizo la wadudu huku wakulima hao wakitumia aina moja ya dawa.

Kutokana na halimashauri zote Mkoani katavi kutegemea zao la Tumbaku na zao hilo kushuka  soko kumepelekea kuanzishwa kwa mazao mapya ya biashara ikiwemo korosho,pamba na alizeti mazao ambayo yamepewa kipaumbele kitaifa ili kuweza kusaidia wakulima kujikwamua kiuchumi.

Chanzo:Restuta Nyondo