WAKAZI WA KATA YA NSEMULWA WAMEUSHAURI UONGOZI WA KATA HIYO KUPANGA VIZURI RATIBA YA ULINZI SHIRIKISHI ILI KUDHIBITI WIZI WA MALI ZA RAIA.

MPANDA.

Wakazi wa kata ya Nsemulwa Halmashauri ya Manispaa ya Mpanda Mkoani Katavi,wameushauri uongozi wa kata hiyo kupanga vizuri ratiba ya ulinzi shirikishi ili kudhibiti wezi wanaoiba mali za raia hasa nyakati za usiku.

Wakazi hao kwa nyakati tofauti wameiambia Mpanda Radio kuwa,uharifu unaotokea kwa sasa katika mitaa ya kata ya Nsemulwa,hutendeka mapema kabla ya vikundi vya ulinzi kuanza kulinda.

Aidha,wamezishauri serikali za mitaa kuhamasisha vikundi vya ulinzi shirikishi katika maeneo yao kwa kutoa posho,ili kujikimu katika mambo mbalimbali ikiwemo sabuni za kuwawezesha kufanyia usafi.

Kwa upande wake diwani wa kata ya Nsemulwa Mh.Bakari Mohamed Kapona,amekiri kuwepo kwa uharifu mdogo mdogo katani kwake ambapo amesema wanajipanga ili kudhiti uharifu uliopo.

Kata ya Nsemulwa yenye wakazi wapatao elfu kumi na moja,ni miongoni mwa kata 15 za Halmashauri ya Manispaa ya Mpanda.

Chanzo:Issack Gerald