WANACHAMA WA KIKUNDI CHA TRANS CARGO WAMEWALALAMIKIA WAFANYABIASHARA KWA KUWALIPA FEDHA KIDOGO KWA MALIPO.

MPANDA

Wanachama wa kikundi cha Trans Cargo wamewalalamikia wafanyabiashara kwa kuwalipa fedha kidogo kwa malipo ya ubebaji wa mizigo ikiwa ni tofauti na bei elekezi ya serikali wanayotakiwa kulipwa.

Wameyasema hayo wakati wakizungumza  na mpanda radio na kusema kuwa kuwepo kwa bei hizo imekuwa ni changamoto kwao katika kuendesha maisha yao.

Kwa upande wake mmoja wa wafanyabiashara hao amesema kuwa malipo ya wabebaji hao ni maelewano baina ya mbebaji na mfanyabiashara.

Hata hivyo mwenyekiti wa kikundi hicho ameiomba serikali kuwasaidia kutatua changamoto hiyo ili kukifanya kikundi hicho kikue zaidi.

Trans cargo ni kikundi cha wabeba mizigo ambacho kina wanachama 70 na lengo lake ni kuwasaidia vijana kupata ajira ili kujiokomboa na wimbi la umaskini na kinatambulika kisheria kwa kupewa leseni ya biashara ambayo inawafanya kulipa kodi ili kuliongezea pato taifa.

Chanzo:Furaha Kimondo