ZAIDI YA WANAFUNZI 268 WA SHULE YA MSINGI MWAMKULU KATA YA MWAMKULU WANALAZIMIKA KUSOMEA CHINI YA MITI BAADA YA MVUA KUBWA NA UPEPO KUEZUA PAA LA SHULE.

Picha ya jengo la shule lililoezuliwa na upepo.

MPANDA.

Zaidi ya wanafunzi 268 wa shule ya msingi mwamkulu kata ya mwamkulu manispaa ya mpanda wanalazimika kusomea chini ya miti baada ya mvua kubwa iliyoambatana na upepo kuezua paa la shule hiyo.

Diwani wa kata ya mwamkulu Kalipi Katani ameiambia Mpanda Radio kuwa mvua hiyo imenyesha siku ya tarehe 4 mwezi 3 mwaka huu imeezua paa la darasa moja na jengo la ofisi mkuu wa shule hiyo.

Licha ya shule mvua hiyo pia imeharibu majengo kadhaa ikiwemo maghala ya mazao mawili, kanisa lililokuwa likitumiwa na wanafunzi wa darasa la awali na nyumba ya mwenyekiti wa mtaa wa nguvumali.

Kutokana na hali hiyo kamati ya shule imeitisha mkutano wa wazazi wa shule hiyo na pamoja wameridhia kuchangia ukarabati wa darasa na jengo ofisi ya mkuu wa shule hiyo ambapo diwani wa kata hiyo amechangia sh. laki moja (100,000/=) kwa ujenzi wa shule na kumchangia sh. elfu hamsini (50,000) mwenyekiti aliyekumbwa na maafa hayo.

Source:Haruna Juma