CHAMA CHA WAKULIMA TUMBAKU CHACHANGIA MIFUKO 50 YA SARUJI KUCHANGIA MAENDELEO TANGANYIKA

Chama cha wakulima wa Tumbaku cha Mpanda Kati  katika halmashauri ya wilaya ya Mpanda kimetoa mifuko hamsini ya saruji yenye thamani ya shilingi million moja kwa ajili ya kusaidia shughuli mbalimbali za maendeleo.

Kiasi hicho cha saruji kimekabidhiwa kwa halmashauri hiyo na Bw.Mashaka Shanani kwa niaba ya bodi ya chama kama kutimiza ahadi waliyoitoa wakati wa kikao cha wadau wa elimu kilichofanyika Machi 10 mwaka huu mjini Mpanda.

Kwa upande wake Mkurugenzi Mtendaji wa Halmashauri ya Wilaya ya Mpanda Rojas Lumury,amekishukuru chama hicho kwa msaada huo ambao utasaidia kutatua changamoto kadhaa za masuala ya kielimu katika halmashauri hiyo.

Katika kikao hicho cha wadau wa elimu,zaidi ya shilingi milioni 152 zilipatikana baada ya kuchangwa na wadau mbalimbali wa maendeleo kwa ajili ya kutatua changamoto za miundombinu ya shule za Wilaya ya Tanganyika

CHANZO:Paul Mathias