KUWENI WAVUMILIVU MTAPATA VITAMBULISHO - MSAJILI NIDA MPANDA

Wananchi wilayani Mpanda Mkoani Katavi wametakiwa kuwa wavumilivu wakati wa zoezi la kujiandikisha kwa ajili ya kupata vitambulisho vya taifa likiendelea 

Kauli hiyo imetolewa na Zamalad Athman Mbangwa ambaye ni afisa msajili Msaidizi wilaya ya Mpanda wakati akizungumza na Mpanda Radio kuhusu zoezi la wananchi kujiandikisha kwa ajili ya vitambulisho hivyo.

Aidha amesema wananchi ambao walishajiandikisha katika Halmashauri ya Wilaya ya Nsimbo watapewa taarifa vitambulisho vitakapokuwa vimekamilika.

Hivi karibuni wakazi wa kata ya Kapalala Halmshauri ya wilaya ya Nsimbo Mkoani Katavi,waliiomba  mamlaka ya vitambulisho nchini NIDA kubainisha lini vitambilisho hivyo vitapatikana.

Zoezi la uandikishwaji wa vitambulisho vya Taifa bado linaendelea mkoani Katavi ambapo kwa mjibu wa NIDA vinatarajiwa kukamilika mwezi Septemba mwaka huu.

Chanzo:Isack gerlad