Julius M. Kaondo amewapiga marufuku walimu wa shule za msingi na sekondari kuacha tabia ya kuwafanyisha kazi ngumu pia kwenye jua kali wanafunzi wenye ulemavu wa ngozi albino .

Mh. Julius M. Kaondo

RUKWA.

Mkurugenzi wa halmashauri ya wilaya ya Nkasi mkoani Rukwa Julius M. Kaondo amewapiga marufuku walimu wa shule za msingi na sekondari kuacha tabia ya kuwafanyisha kazi ngumu na kwenye jua kali wanafunzi wenye ulemavu wa ngozi albino kwani wanawahatarisha afya zao na kupelekea kupata saratani ya ngozi.

Akizungumza jana wakati akizindua kituo maalumu cha upimaji wa kielimu (Nkomolo Assessment Centre) Kilichopo Katika eneo la shule ya msingi Nkomolo wilayani humo mkurugenzi huyo alisema kuwa kitendo hicho kinahatarisha afya za wanafunzi hao na hivyo kuwaweka Katika mazingira ambayo yanaweza kufupisha maisha yao.

Amesema kuwa watu wenye matatizo ya ualbino hawapaswi kukaa Katika mionzi mikali ya jua kwani Inawasababishi ngozi zao kupata saratani hivyo ni busara kuwachukulia kuwa ni watu maalumu na wanahitaji uangalizi maalumu ilikuwakinga na maradhi ambayo yanaweza kuwadhuru.

Aidha amewasisitiza wanafunzi wote wenye ualbino kutumia mafuta yao maalumu wanayopewa kama msaada ama kuyanunua ili kuzuia mionzi ya jua kwani baadhi yao wamekuwa hawayatumii kwakukosa elimu sahihi na hivyo kujikuta wakisumbuliwa na matatizo ya ngozi.