Serikali Mkoani Katavi imeombwa kuimarisha miradi ya umwagiliaji sambamba na kuwachukulia hatua kali za kisheria wananchi wote wanaoweka vizibo katika bonde hilo Ili kukomesha uharibifu wa mazingira.

KATAVI.

Serikali Mkoani Katavi imeombwa kuimarisha  miradi ya umwagiliaji sambamba na kuwachukulia hatua kali za kisheria wananchi wote wanaoweka vizibo katika bonde dogo la mto katuma hilo Ili kukomesha uharibifu wa mazingira. 

Hayo yamesemwa na Katibu wa Jumuiya ya watumia maji bonde dogo la mto katuma Bw. Joseph Mathius Galuka wakati akizungumza na Mpanda redio katika kata ya Mwamkulu  kufuatia shughuli mbalimbali za kibinadamu zinazofanywa na baadhi ya wananchi katika bonde hilo na kuhatarisha uhai wa Mto huo.

Amesema uharibifu mkubwa  hufanywa nyakati za usiku huku baadhi ya wajumbe wa jumuiya kushindwa kufanya kazi ipasavyo kutokana na kutishiwa maisha na wananchi waharibifu.

Baadhi ya wananchi katika kata ya Mwamkulu wamesema kuwa shughuli za kibanadamu ndizo zinapelekea kuhatarisha uhai wa bonde hilo na hata baadhi ya sehem maji kukauka  huku wakiwatupia lawama  viongozi kwakusema wao ndio chanzo kwani  huwafumbia macho wananchi waharibifu.

Ni zaidi ya miezi 7 saba sasa tangu uongozi wa mkoa kufanya zoezi za kuzibua vizibo katika  bonde hilo dogo la mto katuma.