Waziri wa Mambo ya Ndani ya Nchi Dk. Mwigulu Nchemba amewataka wananchi kujiandikisha kupata kitambulisho cha Taifa.

Waziri wa Mambo ya Ndani ya Nchi Dk. Mwigulu Nchemba 

RUVUMA

Waziri wa Mambo ya Ndani ya Nchi Dk. Mwigulu Nchemba amewataka wananchi kujiandikisha kupata kitambulisho cha Taifa kwani si zoezi la hiari ni lazima kwa kila Mtanzania aliyeko ndani ya mipaka ya nchi ili kutambuliwa.

Amesema hayo akizindua zoezi la kujiandikisha kupata kitambulisho  cha Taifa na kugawa vitambulisho katika mkoa wa Ruvuma na kukagua zoezi hilo linaendaje kwa mikoa ya nyanda za kusini hasa iliyoko mipakani mwa nchi.

Waziri mwigulu amewataka wananchi waache mazoea ya kutafuta kutambuliwa mpaka wanapokuwa na shida hasa za kutaka hati ya kusafiria au migogoro ya ardhi pale anapoambiwa yeye si raia wa Tanzania.

Naye Kaimu Mkurugenzi mkuu wa vitambulisho vya Taifa Andrew masawe amesema zoezi la kuandikisha wananchi linatakiwa kuisha ifikapo mwezi December 2018 huku akitaja changamoto wanazokutana nazo kuwa ni la viambatanisho vile vinavyoonyesha umli wa mtu na makazi kwani wananchi huwa hawaendi navyo wakat wa kujiandikisha. 

SOURCE:MOO BLOG