Wakuu wa mikoa ya Arusha na Manyara wamewataka walimu wa shule za msingi na sekondari katika mikoa hiyo kutopokea michango yoyote kutoka kwa wazazi, watakaobainika watachukuliwa hatua kali.

ARUSHA.

Wakuu wa mikoa ya Arusha na Manyara wamewataka walimu wa shule za msingi na sekondari katika mikoa hiyo kutopokea michango yoyote kutoka kwa wazazi, watakaobainika watachukuliwa hatua kali.

Mrisho Gambo wa Arusha na  Alexander Mnyeti wa Manyara wamesema kukusanya michango hiyo ni kwenda kinyume na mpango wa elimu bure.

Gambo ametoa kauli hiyo katika kikao na wadau wa elimu wilaya ya Karatu, kubainisha kuwa imeibuka tabia ya baadhi ya wakuu wa shule kushirikiana na bodi za shule kubuni utitiri wa michango.

Kwa upande Mnyeti akiwa katika ziara ya siku saba wilayani Simanjiro, amepiga marufuku michango hiyo na  kuacha maagizo kwa wananchi, walimu na viongozi wa ngazi ya wilaya na vitongoji.

Amesema ni marufuku walimu kuchangisha fedha na kama kamati za shule na bodi zikiona kuna ulazima zitoe michango ofisi za kata.

Chanzo: mwananchi

#Changia Damu Okoa Taifa