FICHUEN WATOTO WENYE MATATIZO YA AKILI WAPATE ELIMU - WAALIMU

                                                           Picha haihusian na Habari 

Wananchi  wametakiwa kujitoa na kutowaficha watoto wenye ulemavu wa akili kwani kitendo hicho ni kuwanyima haki yao ya msingi ya kupata elimu.

Mwalimu wa shule ya Msingi Ikola kwa vijana wenye mahitaji maalumu  ulemavu wa  akili Shabani Chaula  amesema kuwa watoto hao wanaweza kufanya vizuri kama watawezeshwa hususani katika sekta ya elimu.

Aidha amesema kuwa jamii bado imekuwa haina mwamko hususani katika kuwasaidia watoto wenye ulemavu kwani wamekuwa wakiwaficha.

Mtoto mwenye ulemavu ana haki ya kupata nafasi sawa ya elimu,kushiriki katika michezo na mazoezi pale inapowezekana ili kumsaidia kufikia malengo yake ya maisha kwani ana haki sawa na watoto wengine wasio na ulemavu.

Chanzo:Restuta Nyondo