WANANCHI WAUNGANA NA MKUU WAO WA WILAYA KUJENGA VYUMBA VYA MADARASA

Wakazi wa eneo la Luhafwe katika kata  ya Tongwe Halmashauri ya wilaya ya Mpanda Mkoa wa katavi  wameanzisha ujenzi wa vyumba vinne vya madarasa ya shule ya msingi luhafwe.

Wakizungumnza katika mkutano wa hadhara ulio itishwa na Mkuu wa wilaya hiyo Salehe Mbwana Mhando  Wakazi  hao wamesema wameguswa na changamoto ya ukosefu wa huduma za kijamii hususani Elimu ndiyo maana wameamua kuchangia  shilingi millioni  sita kama mchango wao katika kuunga juhudi za maendeleo katika eneo hilo.

Kwa upande wake mkuu wa wilaya ya Tanganyika Salehe Mbwana Mhando amesema niwajibu wa kila mwanachi kushiriki katika shughuli za maendeleo ili kutatua tatizo la ukosefu wa miundo mbinu imara katika huduma za jamii  kama vile elimu.

Serikali ya awamu ya tano kupitia mradi wa Equip imeunga mkono jitihada za wananchi kwa kupeleka kiasi cha Tsh mil 60.5 kwa ajili ya ujenzi wa vyumba 2 vya madarasa,ofisi moja ya walimu na ujenzi wa vyoo.

Awali eneo hilo la Luhafwe halikuwa eneo rasmi la makazi lakini kwa sasa eneo hilo lililopo katika eneo la uwekezaji la halmashauri ya wilaya ya Mpanda limerasmishwa rasmi kuwa eneo la makazi.

CHANZO:PAUL MATHIAS